उर्लाबारी । मोरङको उर्लाबारीमा जारी ‘दोस्रो अन्तर कलेज रनिङ फुटबल प्रतियोगिता’ मा सप्तकोशी आ.मा.बी. लाई हराउदै पशुपती आ.मा.वी.बिजयी बनेको छ ।
उर्लाबारी स्थित राधिका माध्यमिक विद्यालयको खेल मैदानमा जारी प्रतियोगितमा दोस्रो दिन भएको प्रतियोगितामा सप्तकोशीलाई ५–० गोल अन्तरले हराउदै पशुपति विजयी बनेको हो ।
आजको खेलको म्यान अफ दि म्याच पशुपतिका अर्जुन अधिकारी घोषित भए । उनले नगद १ हजार ५ सय रुपैया हात पारे ।
कलेज स्तरमा रहेका खेलाडीहरुको प्रतिभा प्रष्फुटन गर्ने उद्देश्यका आयोजना गरीएको प्रतियोगितामा उर्लाबारीमा रहेका सरकारी र निजी विद्यालयका गरी ११ वटा विद्यालयले सहभागिता जनाएको उर्लाबारी फुटबल क्लबले जनाएको छ ।
प्रतियोगिताको विजेताले १ लाख १ हजार र उपविजेताले ५१ हजार रुपैयाँ रुपैयाँसहित ट्रफी, मेडल र प्रमाणपत्र हात पार्ने आयोजकले जनाएको छ ।
भोलीको खेल होली चाईल्ड ईङलिस बोर्डिङ र सुनगाभा आ.मा.वि का विचमा हुने क्लवका सचिव घनश्यम भण्डारीले बताउनु भयो । चैत्र १५ गतेदेखि संचालित प्रतियोगिता चैत्र २५ गते सम्पन्न हुने छ ।